Jesus Eerste... Jy's Tweede... Eksderde.

Welkom by Eksderde


Eksderde het `n tuiste in Pretoria en Mosselbaai. Die Eksderde Kampterrein in Pretoria is ‘n lekker kampgrond met slaapplek vir 510 persone en is in die bos. Hier is ook baie wild….kom kyk! Eksderde hou elke maand `n gratis Mannekamp en `n gratis Vrouekamp, asook die eerste week van elke skoolvakansie ‘n gratis Kinderkamp 8-13 jaar oud en ‘n gratis Jeugkamp 14-19 jaar oud in die Bosveld. In Mosselbaai bied ons Gratis 1 dag Manne en Vroue konferensies aan. Ons doel om mense te evangeliseer met die Goeie Boodskap van verlossing, geregtigheid en ‘n hoopvolle toekoms wat in Christus Jesus gevind word. Ons visie is om mense uit hulle omgewing weg te vat, hulle by die Here uit te kry, toe te rus, te motiveer en hulle dan terug te stuur na hulle eie mense, hulle eie dorpe, hulle eie Kerke en hulle eie werke om daar ‘n verskil vir Jesus te gaan maak. Ons hart is om mense vir Jesus te wen en verhoudings te herstel.